Hitheina le Thuneina
Lai at - Khualui Lian
Ngam khat
ahizong leitung mun tatuam ah Management (Zeakdan) huamsung Hitheina le Thuneina
te zakthiam ngawlna hangin asung om mipite ahizong, thasum sang naseamte
ahizong, ngamsung mipite ahizong anasepte nusia in ataisan mihing tam mama om
hi.
Hitheina cisia mangkam in "Power" naci aa, Thuneina sia
mangkam in "Authority" naci uhhi. Tuahiaa "Hitheina" le "Thuneina"
sia akibang ki satha tawntung hi. Atatak ciang akinaihuai hizaw aa, akibanngawl
na naom veve hi.
"Authority is the right to make decision, to direct
the work of others, and to gives orders" aci bangma "Thuneina"
sia septu hitu sawltheina, paiziatu sawltheina, khensat tute khensat theina angate
kici theihi.
"Hitheina"
taw kisai "Power is the ability to influence others" a kici bangma
mipi le mihing dangte tungah huamzawkna zong kici thei hi. Mihing te ngaisutna
a thinlung sungdong ah huamzo cina ahihi. Ahitazong, amai sangah "hi
hi" ci napi, kuama heakngawl nunglam sangah ama ukpapo aseamte sia huamzawk
na (Influence) anei kici thei ngawl tuhi.
"Hitheina"
le "Thuneina" cite ommunpan athathong kingathei ki neithei te ahi bua
hi. "Hitheina" (Power) sia kongsung tatakpan hongpaiziam ci anaak
zongleang, panmun le zaa neina pan hongpai (Positional Power) ahizong, mihing
khatsiim neisa thiamna, thumaanna le sepnahoi sepnapha te tungtawn pan hongpai
(Personal Power) ahizong nam (2) om hi. Tuahi aa, ngam le lei sung nasepna tatuam
sungah traditional ngeina luasuk aa gaamluazaa anga nataw hitehina
panmun leen tam mama zong om hi.
Panmun le zaa neinapan
hongpai (Positional Power) sia nam (3) in kikhen thei hi. Tuate in, (1) Thuthun
zui septu nasep kipiakna hang in mite ih azui anit napan hongpiang (Legitimate
Power), (2) Piakkhiatna hang hongpiang (Reward Power), le (3) Mawna hang daan
piak theina pan hongpiang (Coercive Power) citeng a hihi.
Mihing khat na ama
neisa thianna (Personal Power) sia nam (2) in kidoi thei hi. Tuate in, (1) Ama neisa
thiamna hang anga apiang (Expert Power), le (2) Thuman na, ciimna neiin mite
thupi sak nahang anga apiang (Referent Power) tute a hihi.
Akizom in "Hitheina"
(Authority) sia panmun le zaa neinapan apiang "Positional Power" hang
apiang "Legitimate Power" le "Coercive Power" te zakciang
"Hitheina" (Authority) zang kicithei hi.Tua ahikom, mipite ahibawle
kipawlna sungah naseam mite na "Thuneina" (Authority) nei hongkisakna
sia "Hitheina" (Power) te zakna hangzong kihel ahihi.
Ahihang "Hitheina"
(Power) zakna theampo sia "Thuneina" (Authority) kici theingawl tuhi.
Adiadiak thuthun taw panmunlen anga Hitheina ahi "Legitimate power" le
thuthiamna taw piakkhiat nahang apiang hitheina ahi "Reward Power" te
zakna hangin mipite ahibawle naseam khutnuai mite lungkim zongawl diksak ngawl
ahihang thuak kenkon seamkenkon sia zatakna taw thunitna kici theiaa "Compliance"
a hihi. Mawna khialna hangin daan piakna hitheina "Coercive Power"
zakciang thuneina (Authority) azang taw kibang ahihang munkhakhat ah tua
hitheina zakciangbek vailem munzong om leleau hi.
Ref;
(1) Principles of Management
by Ellen A. Benowitz, Med
(2)A Person Who Has Power
and Authority by Paing Soe